باشوور بۆ رۆژئاوا لەسەرپێ دەمێنێتەوە

ژووری هەواڵ

بۆ چەندین ساڵە، دیوارێکی نابوتی هەزار کیلۆمەتری، قامیشلۆ و نسێبینی لەیەک دابڕیوە؛ دیوارێک بە کامێرای پێشکەوتوو و تەلی درکاوی تەنراوە تا باکوور و رۆژئاوا وەک دوو بێگانە نیشان بدات، بەڵام کاتێک نیشتمان دەخرێتە مەترسییەوە، دیوار لە ئاستی “غیرەتی کورددا” دەخرێتە ژێرپێ.

دیمەنی پشتیوانییەکانی هەرێم بۆ رۆژئاوا ناوازەن؛ هەولێر و سلێمانی و دهۆک و کەرکوک، بە ڕێپێوان و کەمپینەکانەوە لەسەرپێ ماونەتەوە. لە کاتێکدا دەیان بارهەڵگری کۆمەک گەیشتوونەتە ڕۆژئاوا و دەیانى تریش لە رێگەن، کەزییەکانیش بەردەوامن لە هۆنینەوە.

لە گوندی بیرکێی سەر بە دەربەندیخان، لەپێناو چەند کیلۆ هەنگوینێکى شیریندا، ژیان لە داربەڕوویەکى 150 ساڵە تاڵکراوە و ناخى دارەکە هەڵکۆڵراوە و مەترسى لەناوچوونى لەسەرە.

چیرۆکى تاقانەیەکى ئەنفال لە کۆیە دڵ دەکات بە ئاو و دەڵێت: ماڵ و منداڵ و کەسوکارەکەی من ئەنفال بوون و تەنیا مامەوە، با رێگە نەدەین رۆژئاوا ئەنفال بکرێت و هەمووان لەپشتى بوەستین.