لە دوو رووداوی هاتوچۆدا
لە کۆیە دوو کەس گیانیان لەدەستدا و چوار کەسی دیکەش برینداربوون
964+
دەریا ئەحمەد – کۆیە
نوێکرایەوە؛ 5:42
کەمێک پێش ئێستا، دیاکۆ هەڵۆ بەرپرسی فریاکەوتنی نەخۆشخانەی شەهید دکتۆر خالید لە کۆیە بە 964ـی وت، “لەو دوو رووداوی هاتوچۆیەدا کە ئێوارەی ئەمڕۆ روویاندا، ژنێک و دوو پیاو گیانیان لەدەستداوە و 4 کەسی دیکەش کە ژن و پیاون، بەسەختی برینداربوون و رەوانەی هەولێر دەکرێن”.
ئاماژەی بەوەشکرد، ئەو کەسانەی گیانیان لەدەستداوە و برینداربوون، تەمەنیان سەروو 30 ساڵ دەبێت.
سەنگەر سەڵاحەدین بەڕێوەبەری هاتوچۆی کۆیەش وتی، “هەموو گیانلەدەستدان و بریندارەکان لە یەکێک لە رووداوەکاندا بوون، ئەویش ئەو رووداوە بوو کە لە نزیک گوندی سێوەسەن لەنێوان ئۆتۆمبێلێکی جۆری تۆیۆتا کراون (مەلیکە) و تۆیۆتا هایلوکس (مەرزیە) روویداوە”.
بەقسەی سەنگەر سەڵاحەدین تۆیۆتا کراونەکە پێنج کەسی تێدابووە، سێ کەسیان گیانیان لەدەستداوە و دوو کەسی دیکەشیان برینداربوون، هایلۆکسەکەش دوو کەسی تێدابووە و ئەوانیش بریندارن.
هەوڵی سەرەتا؛
لە دوو رووداوی هاتوچۆدا لە سنوری قەزای کۆیە دوو کەس گیانیان لەدەستدا و چوار کەسی دیکەش برینداربوون.
یەکێک لە رووداوەکان لەسەر رێگای کۆیە – تەقتەق بووە و ئەوەی دیکەشیان لەسەر رێگای کۆیە – دوکان روویداوە.
د. دیاکۆ هەڵۆ بەرپرسی بەشی فریاکەوتنی نەخۆشخانەی شەهید دکتۆر خالید لە کۆیە بە 964ـی وت” لە هەردوو رووداوەکەدا دوو کەس گیانیان لەدەستداوە و چوار کەسی دیکەش برینداربوون، بەهۆی تازەیی رووداوەکانەوە وردەکارییەکان نازانین کە گیانلەدەستدان و برینداران هی کامیەک لە رووداوەکانن”.
هەر سەبارەت بەو رووداوانە، سەنگەر سەڵاحەدین بەڕێوەبەری هاتوچۆی کۆیە وتی، “لەئێستادا تیمەکانمان بەڕێگاوەن بۆ شوێنی رووداوەکان و جارێ شتی زیاتریان لەبارەوە نازانین”.
پێداچوونەوە؛ شۆڕش قادری
