“لە رۆژی ئاڵای کوردستان تاقیکردنەوەکان رامەگرن و ئەنجامیان بدەن”

964+

شۆڕش قادری

وەزارەتی پەروەردەی کوردستان ئاگاداری بەڕێوەبەرایەتییەکانی دەکاتەوە، لە رۆژی ئاڵای کوردستانـدا تاقیکردنەوەکانیان رانەگرن و پاش یادکردنەوەی رۆژەکە، تاقیکردنەوەکان ئەنجام بدەن.

لە گشتاندنێکدا کە ئاڕاستەی سەرجەم بەڕێوەبەرایەتییە گشتییەکانی پەروەردەی (هەولێر، سلێمانی، دهۆک، هەڵەبجە، گەرمیان، زاخۆ، سۆران، ڕاپەڕین و خوێندنی کوردی لە کەرکوک) کراوە، وەزارەتی پەروەردە رایگەیاندووە، “بەمەبەستی بەرزڕاگرتنی رۆژی ئاڵای کوردستان لە رۆژی 17.12.2025 سەرجەم ناوەندەکانی خوێندنی حکومی و ناحکومی و قوتابخانە نێودەوڵەتییەکان ئاگادار بکەن، کە سەرەڕای بەردەوامبوونی تاقیکردنەوەکان کاتژمێرێک لە سەرەتای دەوام بۆ بەرزڕاگرتنی ئاڵای کوردستان تەرخان بکەن، پاشان تاقیکردنەوە ئەنجام بدرێت”.

وێنەیەکی گشتاندنەکەی وەزارەتی پەروەردە لە خوارەوە؛