لە پیرەمەگروون سبەینێ نەوت دابەش دەکرێ

ئەحمەد مستەفا

سبەینێ پێنجشەممە 12.11.2025، لە ناحیەی پیرەمەگروون وەک یەکەم وەجبەی بەشە نەوتی ئەمساڵ، دەست بە دابەشکردنی نەوت دەکرێ.

بڕی نەوتەکە 200 لیترە بۆ هەر خێزانێک و بە عەداد دەپێورێت وە نرخەکەی 104 هەزارە.

ناحیەی پیرەمەگروون دەڵێ، پرۆسەکە بەردەوام دەبێت و وەجبەی تر دێت تا هەموو خێزانەکان نەوت وەردەگرن.

لەسەر ئەو کەسانەی کە کارتی نەوتی بەسەرچوویان هێناوە بۆ ناحییە و وەریان نەگرتووەتەوە یان مامەڵەی کارتی کاتییان پێشکەش کردووە و کارتەکانیان بۆ نەهاتووەتەوە.

بەڕێوەبەرایەتی ناحیەکە دەڵێ، سبەینێ لەدوای کاتژمێر 1:30ی خولەک سەردانی بەشی خۆراکی ناحییە بکەن بۆ وەرگرتنەوەی کارتە نوێیەکانیان.