"شاگرد بووە و تانکەرەکەی لەحیمکردووە"
لە پیرەمەگروون تانکەرێک تەقییەوە و گەنجێک گیانی لەدەستدا
964+
ئەحمەد محەمەد – سلێمانی
لە ناحیەی پیرەمەگروونـی سەربە پارێزگای سلێمانی، تانکەرێک تەقییەوە و کەسێک گیانی لەدەستدا.
محەمەد سالار بەڕێوەبەری نەخۆشخانەی پیرەمەگروون بە 964ـی وت، “شاگردی دوکانێکی لەحیم سەرقاڵی لەحیمکردنی بەشی سەرەوەی تانکەرێکی گواستنەوەی سووتەمەنی بووە، لەو کاتەدا تانکەرەکە تەقیوەتەوە و دەستبەجێ گیانی لەدەستداوە”.
ئاماژەی بەوەشکرد، ئەو کەسە گەنجێکی تەمەن 25 ساڵ بووە و لە دوکانی باوکی کاریکردووە.
محەمەد سالار وتیشی، رووداوەکە لە ناوچەی پیشەسازیی پیرەمەگروون روویداوە، تەرمی ئەو گەنجەش بەڕێکراوە بۆ پزیشكی دادی سلێمانی و دوای توێکاری رادەستی كەسوكاری دەكرێتەوە.
پێداچوونەوە؛ شۆڕش قادری
