هاتوچۆی هەولێر: چیدی بارهەڵگر بۆیان نییە لە کاتژمێر 6 بۆ 9ـی بەیانیان بە شەقامی 100 مەتریدا بڕۆن
بڕیاری هاتوچۆی هەولێرە
چیدی بارهەڵگر بۆی نییە بەیانیان بە شەقامی 100 مەتریدا بڕوات
964+
شۆڕش قادری
چیدی بارهەڵگرەکان بۆیان نییە بەیانیان زوو، بە شەقامی 100 مەتری هەولێردا بڕۆن، ئەمە بڕیاری هاتوچۆی پایتەختە و دەبێ جێبەجێ بکرێت.
بەڕێوەبەرایەتی هاتوچۆی هەولێر لە راگەیەنراوێکدا دەڵێت، “لەپێناو بەرژەوەندی گشتی و کەمکردنەوەی جەنجاڵی لەسەر شەقامی 100 مەتری، بڕیارماندا بە قەدەغە کردنی هاتوچۆی ئۆتۆمبێلی بارهەڵگر لەسەر ئەم شەقامە لە کاتژمێر 6ـی بەیانی تا کاتژمێر 9ـی بەیانی، لە کاتی دەستپێکردنی دەوامی فەرمانگە و زانکۆ و قوتابخانەکان”.
ئاماژە بەوەشکراوە ئەم بڕیارە بۆ رۆژانی یەکشەممە تا پێنجشەممەیە، واتە رۆژانی هەینی بارهەڵگران ئازادن کە بە کەیفی خۆیان بە شەقامی 100 مەتری پایتەختدا بێن و بڕۆن.
بارهەڵگرێکى جۆرى (کرێن فلات) لەلایەن هاتوچۆى هەولێرەوە دەستی بەسەرداگیرا
