کۆنترۆڵ نەکراوە
ئاگرێکی بەهێز لە دیوی رۆژهەڵاتەوە هاتووەتە ناو دورەدەسترین گوندی پێنجوێن
964+
کامیار کەمال – پێنجوێن
دوای نیوەڕۆی ئەمڕۆ، ئاگرێکی بەهێز لە دیوی رۆژهەڵاتی کوردستان هاتووەتە ناو هەرێمەوە و نزیکە لە بنەکەی پۆلیسی پاسەوانی سنووری گوندی شایەن و میشیاو لە پێنجوێن.
حاکم زیاد عەبدوڵا، بەڕێوەبەری ناحیەی گەرمک بە 964ـی راگەیاند، ئاگرەکە زۆر بەهێزە و لە ئێستادا تەواوی تیمەکانی بەرگری شارستانی و ئەمنی لە جێگاکەن بەڵام کۆنترۆڵ ناکرێت و تەشەنەی سەندووە بەهۆی بوونی مین و بای بەهێز.
وتیشی، ئاگرەکە بەرەو بنکەی پۆلیسی پاسەوانی سنوور دەڕوات ئەگەر بگاتە ئەوێ زیانی زۆری دەبێت و لەگەڵ ئەوەش گوندی شایەن و میشیاوە کە دوورەدەسترین گوندە.
سەبارەت بە ئەندازەی ئاگرەکە حاکم زیاد ئەوەی خستەڕوو، ئەندازەکەی جارێ دیار نییە و ناتواندرێت مەزەندە بکرێت کە چەندە و هێزەکانی پاسەوانی سنوور، پۆلیسی ناوخۆ و پۆلیسی دارستان و ئاسایشی گەرمک لە ئامادەباشیدان.
گوندی شایان و میشیاو، دوورەدەسترین گوندن لە سنووری پێنجوێن.
پێداچوونەوە: توانا نەقی
