شۆفێرێک لە سنووری هەڵەبجە
خۆی کێشا بە ستوونی کارەبادا و گیانی لەدەستدا
964+
ئەمەل ناجی – هەڵەجە
بەرەبەیانی ئەمڕۆ هەینی، هاوڵاتییەک لەسەر رێگەی سەرەکی چوون لە بیارەوە بۆ خورماڵ، بە ئۆتۆمبێل خۆی کێشاوە بە ستوونی کارەبادا و بەو هۆیەوە گیانی لەدەستداوە.
ئاکام قوتبەدین وتەبێژی پۆلیسی هەڵەبجە بە 964ی وت، هاوڵاتییەکە ناوی (ئامانج لوقمان فەتاح)ە، پیشەی کاسب بووە، خەڵکی قەزای سەیدساقە.
رووداوەکە کاتژمێر 4:30 ی بەیانی بووە، ئۆتۆمبێلێی هاوڵاتییەکە لە جۆری لاندکرۆزەر میکزەمینی بووە و خۆی کێشاوە بە ستوونەکەدا و بەو هۆیەوە گیانی لەدەستداوە.
بە وتەی ئاکام قوتبەدین، لە ئێستادا لێکۆڵینەوە لە رووداوەکە دەستیپێکردووە، و پەڕاوی لێکۆڵینەوەی لە بنکەی پۆلیسی بیارە بۆ کراوەتەوە.
پێداچوونەوە: ئەحمەد مستەفا
شارەوانيی هەڵەبجە کارکردن لە زەوییەکانی دەوروبەری شار قەدەغە دەکات
