پێنج ساڵ بەسەر کۆچی دوایی سابیر کوردستانی تێپەڕی

شۆڕش قادری

ئەمڕۆ پێنج ساڵ بەسەر کۆچی دوایی هونەرمەندی دیاری کورد سابیر کوردستانی تێپەڕ دەبێت کە بە ڤایرۆسی کۆرۆنا گیانی لەدەستدا.

سابیر محەمەد ساڵی 1955 لە کەرکوک لەدایکبووە و خاوەنی چەندین ئاواز و گۆرانی کوردییە کە وەک خۆی دەڵێت، زۆربەی گۆرانییەکانی رووداوێکی راستییان لەپشتەوەیە، بەتایبەتیش ئەوانەی خۆی تێکستی بۆ نووسیبوون.

هونەرمەند سابیر کوردستانی لە منداڵییەوە بینایی لەدەستدابوو، بەڵام ئەوە رێگر نەبوو لەبەردەم توانا و بەهرەکەی و ساڵی 1970 دەستی بەکاری هونەری کرد.

یەکەم بەرهەمی ساڵی 1971 لە تەلەفیزیۆنی کەرکوک تۆمار کرا و رۆژی 10.8.2020 بە کۆرۆنا کۆچی دوایی کرد و سێ کچ و کوڕێکی لە دوای خۆی جێهێشت.