مامۆستایانی ناڕازی کەرکوک دیسانەوە دەنگیان هەڵبڕی

کاروان ساڵحی – کەرکوک

مامۆستایانی ناڕازی کەرکوک دیسانەوە دەنگیان هەڵبڕی و دەڵێن، جگە لەوەی 20 موچەی تەواومان لای حکومەتە، 44 موچەشمان بە لێبڕینەوە دراوەتێ و خەریک بەتەواوەتی مافمان دەخورێ.

ژمارەیەک لەو مامۆستایانە لەبەردەم یەکەی سەرپەرشتیاری کەرکوک گردبوونەوە، مامۆستا بەرزان دەلۆ وەک نوێنەری مامۆستایانی ناڕازی بە 964ـی وت،  جەگە لە گەندەڵکارانی ناوەڕاست و خوارووی، لە هەرێمی کوردستانیشەوە دەستیان گەیشتووە بە کەرکوک، واتە ئێمە لەدوولاوە زەرەرمەندبووین”.

ئاماژەی بەوەشکرد، چەندین ساڵە داوای گواستنەوەی راژەکانیان دەکەن، بەڵام بێسوود بووە و کەس وەڵامی داواکارییەکانیان ناداتەوە.

سەیران بەهادین یەکێکی دیکە لەو مامۆستا ناڕازیانە داوا لە عەلی زەیدی سەرۆک وەزیرانی عێراق دەکات، یەخەی گەندەڵکاران بگرێت و کێشە و گرفتەکانیان چارەسەر بکات.

پێداچوونەوە؛ شۆڕش قادری