یوسف ئەرخەوان یەکێکە لە یەکەمەکانی خوێندنی کوردی لە کەرکوک

کاروان ساڵحی – کەرکوک

یوسف ئەرخەوان توانی بە کۆنمرەی 99.71 تاقیکردنەوەکانی پۆلی 12ـی ئامادەیی ببڕێ و ببێتە یەکێک لە یەکەمەکانی خوێندنی کوردی لە پارێزگای کەرکوک.

یوسف قسەی بۆ مایکی 964 کرد و وتی، “بەدەستهێنانی نمرەیەکی بەرز هەوڵ و ماندووبوونی زۆری دەوێت و لەگەڵ ئەوەشدا دەبێ واز لە مۆبایل و ئەو شتانەی مەشغوڵت دەکەن بهێنی، بۆ ئەوەی کات بەفیڕۆ نەدەی”.

ئاماژەی بەوەشکرد، رۆژانە 12 کاتژمێر خوێندوویەتی و زیاتریش لە بەیانیاندا سەعی خۆی کردووە.

ئەرخەوان جەبار باوکی یوسفیـش دەڵێت، کوڕەکەی لە مانگی چواری ساڵی رابردووەوە دەستیکردووە بە خوێندن و ئەوانیش بە هەموو شێوەیەک پشتیوانیان کردووە.

پێداچوونەوە؛ شۆڕش قادری