رۆژانە 300 کەس نان دەخوات
بۆ یەکەمجار لە سەیدسادق چێشتخانەیەکی خێرخوازی بەڕووی هەژاران و کرێکاراندا کرایەوە
964+
بروا مەجید – شارەزوور
ئەمڕۆ سێشەممە، لە مەراسیمێکی تایبەتدا بە ئامادەبوونی بەرپرسانی ئیدارەی ناوچەکە، بۆ یەکەمجار لە قەزای سەیدسادق چێشتخانەیەکی خێرخوازی بۆ دابینکردنی خواردنی رۆژانەی بێبەرامبەر کرایەوە.
ئەم پڕۆژە خێرخوازییە کە لەلایەن مەریوانی حاجی جەمال سەرمایادر سەرپەرشتی و پشتیوانی دەکرێت، ئامانج لێی هاوکاریکردنی چین و توێژەکانی کەمئەندام، هەژار، کرێکاران و ڕێبوارانی ناوچەکەیە.
سەرپەرشتیاری پرۆژەکە بۆ 964 وتی، رۆژانە نانی 300 کەس ئامادە دەکرێت و دەیانەوێت پرۆژەکە ببەنە هەموو شار و شارۆچکەکان.
پێداچوونەوە: توانا نەقی