"زیاتر دادەبەزێت"
دۆلار ناوەستێت لە دابەزین و هاتە 142250 دینار
964+
توانا نەقی
چەند رۆژێکە بەهای دۆلار بەرامبەر دیناری عێراقی بەردەوامە لە دابەزینی و ئەمڕۆ ریکۆردێکی دیکەی تۆمار کرد بۆ نزمی کە هاتووەتە 142 هەزار و 250 دینار.
کەیفی خۆشناو وتەبێژی بازاڕی دراوی هەولێر بە 964ـی وت، تا کاتی ئامادەکردنی ئەم هەواڵە بەهای 100 دۆلار بەرامبەرە بە 142 هەزار و 250 دینار.
وتیشی، چاوەرێ دەکرێت ئەم دابەزینەی دۆلار بەرامبەر دینار ئەگەر هیچ روونەدا لە عێراق لە رووی سیاسییە و نەوت هەروا دابەزێت بگاتە 140 هەزار دینار لە هەفتەی داهاتوو.
سەبارەت بە گۆڕینەوە و کڕینی دۆلار لەلایەن خەڵکەوە کەیفی خۆشناو وتی، هیچ کاریگەری نەکردووە و خەڵک بە کامی روودەکەنە بازاڕ لەبەر ئەوەی ئەم مانگە دیسان موجە دواکەتووە و بازرگانەکانێش حکومەت دۆلاریان پدەدات بۆیە نایەن گۆڕینەوە بکەن.
نرخی ئەمڕۆ دۆلار بەرابەر بە بەشێک لە دراوەکان:
100 دۆلار بەرامبەرە بە 142250 دیناری عێراقی
100 دۆلار بەرامبەرە بە 3850 لیرەی تورکی
100 دۆلار بەرامبەرە بە 8000،000 تمەنی ئێرانی
