بۆ بژێوی خه‌ریكی كاروكاسبین
“ژنان مه‌تالیبیان زۆره و پێویسته سه‌بریان هه‌بێت”
رازاو محه‌مه‌د
لە تەمەنی 10 ساڵییەوە لەلایەن دایکییەوە فێری نانکردن بووە و ئێستاش بەردەوامە لە کارکردن و ده‌ڵێت، پێویسته ژنان سه‌بر و ئارامییان هه‌بێت.
نەسرین شێخ فاتیح، کە باجییه‌كی سلێمانییه و لە كارگه‌یه‌ك نان دروست ده‌كات بۆ 964 دەڵێت، “کاتێک منداڵ بووم، دایکم نانی دەکرد و لەگەڵی دادەنیشتم بۆ ئەوەی منیش فێربم، ئێستاش رۆژانە 8 هێڵەك نان دەکەم.
خاتوو نەسرین جەخت لەوە دەکاتەوە کە ژنان دەبێت پشت بە خۆیان ببەستن و خاوەنی داهاتی خۆیان بن، چونکە بە بڕوای ئەو، ژن دەتوانێت بە داهاتی خۆی هاوکاری خێزان و کەس و کارەکانی بکات.
ئەو ئامۆژگاری ژنان دەکات کە سەبریان هەبێت، چاوەڕێی یارمەتیی کەسانی تر نەکەن و خۆیان بە کەم نەزانن، چونکە بە وتەی ئەو، ژنانی ئەمڕۆ وەک پێشتر نین و كاری نانكردن نازان و فێرنابن، ده‌شڵێت: ژنان مه‌تالیبیان زۆره و پێویسته خۆیان بگونجێنن و به‌پێی باری گوزه‌رانیان داواكاری له هاوسه‌ره‌كانیان بكه‌ن.
پێداچوونه‌وه: ئه‌رسه‌لان عه‌بدوڵا