بەهای دینار بەرامبەر دۆلار زیاتر بەرزبووەوە

964+

شۆڕش قادری

بەهای دیناری عێراقی بەرامبەر دۆلار زیاتر بەرزبووەوە و هەر 100 دۆلارییەک بۆ 146 هەزار و 500 دینار دابەزی.

کەیفی خۆشناو وتەبێژی بازاڕی دراوی هەولێر بە 964ـی وت، “ئەمڕۆ یەکشەممە 2.3.2025 بەهای دۆلار لە بازاڕدا زیاتر دابەزیوە و لە ئێستادا 100 دۆلاری ئەمریکی بە 146 هەزار و 500 دیناری عێراقی مامەڵەی پێوەدەکرێت”.

ئاماژەی بەوەشکرد، لەم چەند رۆژەدا دۆلار بەرامبەر تمەنی ئێرانی تاڕادەیەک جێگیر بووە و هەر 100 دۆلارییەک بە نۆ ملیۆن و 300 هەزار تمەنە بە حەواڵە.

کەیفی خۆشناو هۆکاری سەرەکیی بەرزبوونەوەی بەهای دیناری بۆ سەقامگیری عێراق و خستنەڕووی دۆلاری زۆر لەلایەن بانکی ناوەندی عێراق گەڕاندەوە.

وتیشی، هەموو ساڵێک لەم کاتەدا و لە مانگی رەمەزاندا، دۆلار کەمێک دادەبەزێ، لەبەر ئەوەی ئەو هاوڵاتیانەی کەسیان لە ئەوروپایە، پارەیان وەک هاوکاری بۆ دەنێردرێتەوە و ئەوەش هۆکارێکی دیکەی بەرزبووەنەوەی دینارە.

دۆلار و تمەن پێکەوە دابەزین و دیناریش بە تەنیا بەرزبوویەوە

100 دۆلار بەرامبەرە بە 148 هەزار و 800 دینار