وێنەیەک لە کارتی نیشتمانی دانیشتووانی عێراق
مانگێکتان لەبەردەستدایە و دەنێردرێنەوە بەغدا
هاوڵاتیانی سلێمانی و هەڵەبجە و راپەڕین؛ بڕۆن کارتە نیشتمانییەکانتان وەربگرنەوە
964+
شۆڕش قادری
هاوڵاتیانی سلێمانی و هەڵەبجە و ئیدارەی راپەڕین، پەلە بکەن و بڕۆن کارتە نیشتمانییەکانتان وەربگرنەوە، چونکە یەک مانگتان لەبەردەستدایە و کارتەکان دەنێردرێنەوە بەغدا.
سیامەند حەمەحوسێن بەڕێوبەری رەگەزنامە و باری شارستانی سلێمانی لەڕێی 964ـەوە داوای لە دانیشتووانی پارێزگاکانی سلێمانی و هەڵەبجە، بە ئیدارەی راپەڕین و پێنجوێنیشەوە کرد، هەرچی زووە سەردانی بەڕێوەبەرایەتییەکەیان و سەرجەم فەرمانگەكانی كارتی نیشتیمانی بکەن و کارتەکانیان وەربگرنەوە، چونکە تەنیا یەک مانگ مۆڵەتیان هەیە و ئەگەر لەو ماوەیەدا نەچن، کارتەکانیان دەگەڕێندرێنەوە بەغدا.
سیامەند حەمەحوسێن وتی، “لە ساڵی 2016ـەوە کە بەڕێوەبەرایەتی رەگەزنامە و باری شارستانی سلێمانی دامەزراوە، ژمارەیەکی زۆر لە هاوڵاتیان داوای کارتی نیشتمانیان کردووە و تا ئێستا نەچوون بە پەیسەری کارتەکانیان”.
ئاماژەی بەوەشکرد، لەکاتی گەڕانەوەی کارتەکانیان بۆ بەغدا، ھاوڵاتیان ناچار دەبن، رێگایەکی پێنج بۆ شەش کاتژمێری ببڕن و خۆیان بچن لە بەغدا مامەڵەی وەرگرتنەوەی کارتەکانیان بکەن.
پاتری نوێیان بۆ هات و کارتی نیشتمانی پێنجوێن کرایەوە
فەرمانگەی کارتی نیشتیمانی پێنجوێن کێشەی تەکنیکییان هەیە
