بۆری ئاوی دوکان – سلێمانی شکا

شۆڕش قادری

بۆری ئاوی دوکان – سلێمانی شکا و زۆربەی گەڕەکانی دەورووبەری شەقامی 60 مەتری بێ ئاو دەبن.

بەڕێوەبەرایەتی ئاوی سلێمانی چەند وێنەیەکی شکانی بۆرییەکەی بڵاوکردووەتەوە و نووسیویەتی، بەیانی ئەمڕۆ شەممە 8.8.20206 بۆری ئاوی دوکان – سلێمانی هێڵی دوو لە ناوچەی قولەڕەیسی شکا.

ئاوی سلێمانی هۆکاری شکانی بۆرییەکە و وردەکاری زیاتری لەوبارەیەوە ئاشکرا نەکردووە، بەڵام بەپێی ئەزموونی پێشوو، لە دوای شکانی ئەو بۆرییە، زۆربەی گەڕەکانی سەنتەری شار و دەورووبەری شەقامی بازنەیی مەلیک مەحمود کە بە شەستی سلێمانی ناسراوە، بێ ئاو دەبن.