بەتایبەت لە رۆژانی هەینیدا
چایخانە دێرینەکەی سلێمانی بەم هەینیە جمەی دێت
964+
دیلان محەمەد – سلێمانی
رۆژانی هەینی هاوڵاتییان سەردانی چایخانەکان دەکەن بۆ ئەوەی نانی بەیانی لە دەرەوەی ماڵەکانیان بخۆن.
چایخانەی مام رەش یەکێکە لە چایخانە دێرینەکانی سلێمانی کە نانی بەیانی پێشکەش دەکات و رۆژانە و بە تایبەتیش لە رۆژانی هەینیدا خەڵکێکی زۆر سەردانی دەکەن بۆ نانی بەیانی.
محەمەد رەشید، خاوەنی چایخانەکەیە بە 964ـی وت، زۆرێک لەو بەرهەمانەی بەیانیان پێشکەشی میوانەکانیانی دەکەن کوردین، و هاوڵاتییان بەیانیان سەردانیان دەکەن بۆ ئەوەی لە دەرەوە نان بخۆن.
وتیشی، پیاوان و ژنان پێکەوە سەردانیان دەکەن بە تایبەت لە رۆژانی هەینیدا.
پێداچوونەوە: ژێوار خدر