بارهەڵگرەكان كێشەیان هەیە
هەردوو رێگەی چوون و گەڕانەوەی كەركوک- هەولێر داخرا
964+
كاروان ساڵحی
ژمارەیەكی زۆری بارهەڵگری قوم و چەو لە بازگەی دارەمان وەستاون و رێگەی چوون و گەڕانەوەی كەركوک – هەولێریان داخستووە، ئەوان داوای چارەسەردەكەن، كە لە نێوان سۆنەر و بازگەی دارەمان گیریان خواردووە.
بارهەڵگرەكان ژمارەیان نزیكەی 300 بارهەڵگرە و بە قسەی رەسووڵ مەولود، كە شۆفێرە، بازگەی دارەمان داوای نووسراوی سۆنەری بارەكانیان لێدەكات، لەولاشەوە پشكنینی سۆنەر هیچ نووسراوێک بە بارهەڵگرەكان نادات و دەڵێت پێویست ناكات.
مام رەسووڵ بۆ 964 وتی، داوا دەكەین سەرۆک وەزیران یان پارێزگاری كەركوک بێنە سەر خەت و ئەو كێشەیان بۆ چارەسەر بكەن.
هەروەها عەلی عومەر، كە شۆفێرێكی گەنجە، ئەویش بۆ 964 ئاماژەی بەوەدا لە نێوان بازگەكە و سۆنەردا گیریان خواردووە و نازانن چی بكەن، وتیشی، ژیان و كار و داهاتمان لەسەر ئەو كارەیە و داواكارین چارەیان بۆ بكەن.
پێداچوونەوە: ئەرسەلان عەبدوڵا