کەشتییەکی نەوت هەڵگری عێراقی _ وێنە: ئاژانسەکان
بڕەکەی کەمیکردووە
لە هەشت مانگدا عێراق 62.9 ملیۆن بەرمیل نەوتی هەناردەی ئەمریکا کردووە
964+
ژووری هەواڵ
ئەمریکا بڕی ئەو نەوتەی ئاشکرا کرد کە لە ماوەی هەشت مانگی سەرەتای ئەمساڵدا لە عێراقەوە هاوردەی کردووە و دەردەکەوێت کە بڕەکەی بەراورد بە ساڵی رابردوو کەمیکردووە.
ئیدارەی وزەی ئەمریکا رایگەیاند، ههناردهی نهوت و بهرههمهكانی عێراق له ههشت مانگی ئهمساڵدا، بە تێکڕا مانگانە حەوت ملیۆن و 862 هەزار و 625 بەرمیل بووە و کۆی گشتی 62 ملیۆن و 900 ههزار بهرمیل بووە.
پێشتریش ئیدارەی زانیاری وزەی ئەمەریکا ئاشکرایکرد، “عێراق لە ماوەی نیوەی یەکەمی ساڵی 2024 زیاتر لە 46 ملیۆن بەرمیل نەوتی خاو و وەرگیراوەکانی هەناردەی ئەمریکا کردووە”.
ئەوە لە کاتێکدا، لە نیوەی یەکەمی ساڵی 2023، عێراق نزیکەی 65 ملیۆن بەرمیل نەوتى هەناردەی وڵاتەکەی کردووە و بەراورد بە ساڵی 2022، هەناردەكردنى نەوتى عێراق بۆ ئەو وڵاتە به رێژهی لە33.5% زیادی کردووە، بەڵام بۆ نیوەی یەکەمی ساڵی 2024 پێچەوانە بووەتەوە.
