یەکێک لە ژوورەکانی نەخۆشخانەی گشتی شیلادزێ: فۆتۆ: فەرمانگەی میدیا و زانیاری
100 تەختی هەیە
نەخۆشخانەی گشتیی شیلادزێ کرایەوە
964+
ژووری هەواڵ
لەدوای چوار ساڵ، نەخۆشخانەی گشتیی شیلادزێ تەواوکرا و نۆرینگە و ئامێرە پزیشکییەکانیشی بۆ دابینکراوە.
ئەمڕۆ هەینی 30.8.2024، فەرمانگەی میدیا و زانیاری بڵاویکردەوە، بە گوژمەی 43 ملیۆن دۆلار نەخۆشخانەی گشتیی شیلادزێ تەواوکرا، کە لە ساڵی 2020 بەردی بناغەی دانرابوو.
نەخۆشخانەکە 100 تەختییە و شەش هۆڵی نەشتەرگەری تێدایە و لە چوار نهۆم و ژێرزەمینێک پێکهاتووە، له‌ناویاندا شوێنى تایبه‌ت به فڕۆكه دروستكراوه.
نەخۆشخانەکە لەسەر رووبەری 21 هەزار و 500 مەتر چوارگوشە و بە گوژمه‌ی 43 ملیۆن دۆلار، لە لایەن دوو کۆمپانیانه‌وه دروستکراوە.
