لە چلەی ئیمام حوسێن نزیکەی نیو ملیار پەیوەندی تەلەفۆنی کراوە
"لە چوار شار"
لە چلەی ئیمام حوسێن نزیکەی نیو ملیار پەیوەندی تەلەفۆنی کراوە
964+
شۆڕش قادری
لە ڕێوڕەسمەکانی چلەی ئیمام حوسێن نزیکەی نیو ملیار پەیوەندی تەلەفۆنی لە نەجەف و کەربەلا و کازمیە و سامەڕا ئەنجامدراوە.
دەستەی راگەیاندن و پەیوەندییەکانی عێراق رایگەیاند، “لە سەرەتای دەستپێکردنی رێوڕەسمەکانی چلەی ئیمام حوسێن، کۆی گشتی پەیوەندییە تەلەفۆنییەکان لە چوار شاری نەجەف و کەربەلا و کازمیە و سامەڕا گەیشتووەتە 475 ملیۆن و 561 هەزار و 955 پەیوەندیی کە لەو ژمارەیە، 269 ملیۆن و 179 هەزار و 348 پەیوەندی لە کەربەلا بووە”.
ئاماژە بەوەشکراوە، 461 ملیۆن و 30 هەزار و 781 پەیوەندی تەلەفۆنی ناوخۆیی بووە و 14 ملیۆن و 531 هەزار و 174 پەیوەندیش بۆ دەرەوەی عێراق بووە.
دەستەی راگەیاندن و پەیوەندییەکانی عێراق راشیگەیاندووە، هەر لەو ماوەیەدا 185 ملیۆن و 642 هەزار و 568 نامەی تەلەفۆنی نێردراون و لەو ژمارەیە، 86 ملیۆن و 123 هەزار و 436 نامە لە کەربەلاوە نێردروان.
ئەمڕۆ یەکشەممە 25.8.2024 رێوڕەسمەکانی چلەی ئیمام حوسێن لە کەربەلا کۆتاییهات و زیاتر لە 21 ملیۆن زیارەتکار بەشداری رێوڕەسمەکەیان کرد.
100 هەزار کارمەندى تەندروستى بۆ یادى چلەى ئیمام حوسێن ئامادەن
