دیمەنی ئاوارە ئێزیدیەکانی شنگال لە کەمپێکی دهۆک. وێنە: 964
بەشێوەی ئارەزوومەندانە
266 خێزانی ئاوارە لە هەرێمەوە دەگەڕێنەوە حەسەن شام
+964
توانا نەقی
قۆناغی سێیەمی گەڕاندنەوەی ئاوارەکان بۆ زێدی خۆیان و بۆ حەسەن شام دەستی پێکردووە و وەزارەتی ناوخۆی هەرێمیش دەڵێت، گەڕانەوەکە ئارەزوومەندانەیە.
ئەمڕۆ چوارشەممە، وەزارەتی ناوخۆی هەرێم بڵاویکردەوە، قۆناغى سێيهمى گهڕانهوهى ئاوارهكانى دهڤهرى حهسهن شام/ خازر جێبهجێدهكرێت، لهم قۆناغهشدا 266 خێزان کە 107یان له كهمپهكانى ئاوارەکان لە ههرێمى كوردستان و 159یان له دهرهوهى كهمپهكان دەژین، بهشێوهيهكى ئارهزوومهندانه دهگهڕێنهوه زێدی خۆیان لە گوندى حهسهن شام.
دەشڵێت، ئەو خانەوادانە لە دوای هێرشەکانی رێکخراوی داعش ئاوارەی کەمپ و ناوچەکانی هەرێم بوون و چەندین ساڵە لەهەرێم پێداویستی ژیانیان بۆ دەراهەمکراوە.
وەزارەتی ناوخۆ ئاماژەی بەوەشکردووە، گەڕانەوەی ئەو ئاوارانە بۆ زێدی خۆیان پێویستی بە پاڵپشتی حکومەتی ئیتیحادی و بڕیاری ئارەزوومەندانەی خۆیان هەبووە و هەیە، بۆیە لە قۆناغی پێشودا حکومەتی هەرێم هەموو ئاسانکارییەکی بۆ گەڕانەوەی ئارەزوومەندانەی 271 خێزانى دیکەی ئاوارهى ئەو ناوچەیە کردووە و گهڕاونهتەوه بۆ زێدی خۆیان.
