وەزارەتى پەروەردە بۆ قوتابخانەکان:
بڵاوکردنەوەى نمرەى قوتابیانى پۆلى 12 قەدەغەیە
964+
وریا فەتاح
وەزارەتى پەروەردە، سەرجەم قوتابخانە حکومى و ناحکومییەکانى سەر بە وەزارەتەکەى ئاگادار دەکاتەوە، کە بڵاوکردنەوەى نمرەى قوتابیانى پۆلى 12، بەهەموو شێوەیەک قەدەغەیە.
ئاگادارییەکە، ئاراستەى سەرجەم بەڕێوەبەرایەتییەکانى پەروەردە کراوە و تێیدا هاتووە،”سەرجەم قوتابخانە حکومیى و ناحکومییەکانى سیستمى وەزارەتى پەروەردە ئاگادار دەکەینەوە کە دانان و بڵاوکردنەوەى نمرەى قوتابیان بەشێوەى لیست لە پەیج، ماڵپەڕ و تۆڕە کۆمەڵایەتییەکان، بەهەموو شێوەیەک قەدەغەیە”.
جەختیشکراوەتەوە، هەر قوتابخانەیەک ئەم کارەبکات، لێپرسینەوەى یاسایى لەگەڵ دەکرێت
