ئەمینداری ئەنجومەنی وەزیران داوای بەهەمیشەییکردنی وانەبێژان دەکات

964+

ژووری هەواڵ

ئەمینداری گشتی ئەنجومەنی وەزیران نوسراوی بۆ وەزارەتی دارایی عێراق کردووە و داوادەکات بەدواداچون بکەن لەسەر پرسی بەهەمیشەییکردنی وانەبێژان لە هەرێمی کوردستان.

بەگوێرەی نوسراوەکەی ئەمینداری گشتی ئەنجومەنی وەزیران کە رێکەوتی 14.7.2024ـی بەسەرەوەیە، لەسەر داوای پەرلەمانتاری عێراق محەمەد ئیسماعیل، داواکاری بەهەمیشەییکردنی وانەبێژران ئاڕاستەی وەزارەتی داریی عێراق کراوە.

ژمارەی مامۆستایانی وانەبێژ لە هەرێمی کوردستان 37 هەزار مامۆستایە و کرێی مانگانەیان نزیکەی 15 ملیار دینارە.

لەئێستادا هەڵگرانی بڕوانامەی بە کالۆریۆس مانگانه‌كه‌یان لەنێوان 350 بۆ 400 هەزار و دبلۆمیش 350 هەزار دینار وه‌رده‌گرن.

سبەی مامۆستایانی وانەبێژ لە سلێمانی موچە وەردەگرن