لۆگۆى وەزارەتى دارایى و ئابورى هەرێم
مانگى پێنج
لیستى موچە رادەستى وەزارەتى دارایى عێراق کرا
964+
وریا فەتاح
وەزارەتى دارایى هەرێم رایگەیاند، لیستی مووچەی مانگی ئایاری فەرمانبەران رادەستی وەزارەتی دارایی حکومەتی فیدراڵ کرا.
بەپێى راگەیەنراوى وەزارەتەکە بێتن ئەمڕۆ سێشەممە 4.6.2024، لیستی مووچەی مانگی ئایاری فەرمانبەران و مووچەخۆرانی هەرێمی کوردستان، رادەستی وەزارەتی دارایی حکومەتی فیدراڵ کراوە.
رەوانەکردنى لیستى موچەى مانگى ئایارى فەرمانبەرانى هەرێم لە کاتێکدایە، تائێستا پێشمەرگە و دەزگاى ئاسایش و ئەنجومەنى ئاسایش، زێرەڤانى، بەرگرى فریاکەوتن، پۆلیسى دامودەزگا نەوتییەکانى هەرێم، موچەى مانگى نیسانیان وەرنەگرتووە.
پێدەچێت لەم مانگەوە گرفتى موچەى موچەخۆرانى هەرێم بەرەو چارەسەربوون بچێت، ئەوەش دواى ئەوەى دوێنێ دووشەممە پەرلەمانى عێراق خشتەى بودجەى ساڵى 2024ـى پەسەند کرد و موچەی موچەخۆرانی هەرێم خرایە سەر خشتەی بودجە و لە خەرجی فعلی دەرهێنرا.
