دەربەندیخان
کانێکی بەرد کارەکانی راگیرا
964+
توانا نەقی
بە فەرمانی قایمقامیەتی دەربەندیخان کانێکی بەرد لە قەزاکە داخرا کە بە قسەی رێکخراوەکانی ژینگە هۆکار بوو بۆ تێکدانی سروشتی شاخی گوڵان.
لیژنە پێکهێنراوە و سەردانی کانەکەیان کردووە و کارکردنیان راگرتووە لە کانەکە.
سلێمان محەمەد قایمقامی دەربەندیخان بە 964ـی وت، لە زۆربەی ناوچەکان کانی بەرد هەیە، بەڵام ئەو کانە شوێنەکەی دیارە و بەرامبەر بە قەزای دەربەندیخانە و لەسەر شاخی گوڵانە بۆیە جارێ کارکردنیان تیایدا راگرتووە.
وتیشی، راگرتنەکە تا کاتێکە کە شوێنێکی بەدیگونجاو بۆ کانە بەردەکە دەدۆزنەوە و دەبێت لەو شوێنە بیگوازێتەوە، چونکە نابێت کانێکی بەرد ببێتە هۆکاری تێکدانی سروشتی ئەو ناوچەیە.