جەبار مەعروف
” کاری باشمان هەیە و تەلەڤزیۆنەکان وەریناگرن”
+964
دیلان محەمەد – سلێمانی
هونەرمەند جەبار مەعروف، ئەکتەری دیاری دراماکانی دەرهێنەری کۆچکردوو حسێن میسری، گلەیی لە دۆخی ئێستای بەرهەمهێنانی دراما هەیە و دەشڵێت، تەلەفزیۆنەکان وەریناگرن.
لە لێدوانێکی تایبەتدا بۆ 964 جەبار مەعروف دەڵێت، “بە گشتی هونەرمەندان لە هەگبەیاندا کار و چالاکی باش هەیە، بەڵام پشتیوانی ناکرێن و تەلەڤزیۆنەکان وەریناگرن، ئەگینا ئەگەر ساڵی یەک بەرهەمیان هەبێت بێگومان ئێستا لەرووی دراماوە زۆر دەوڵەمەند دەبووین”.
جەبار مەعروف یەکێکە لە دامەزرێنەرانی تەلەڤزیۆنی خاک، دوا دراماش کە بەشداریی تێدا کرد، درامای چەرخ و فەلەک بوو لە تەک رێشان، تەلار هیرانی و کەریمۆک و چەند ئەکتەرێکی دیکە.
داڕشتنەوە: پەری ساڵح