“با پڕۆسەی دادگاییكردنی هێرشبەرانی سەر ئێن ئاڕ تی كراوە بێت”

964+

شۆڕش قادری

سەنتەری میترۆ سەركۆنەی هێرشكردنە سەر  کەناڵی ئێن ئاڕ تی دەكات و داوا دەکات، پرۆسەی دادگایكردنی هێرشبەران كراوە بێت.

درەنگانی شەوی رابردوو لە نزیک بینای کەناڵی ئێن ئاڕ تی لە گوندی ئەڵمانی سلێمانی تەقە کرا و چیا حسێن بەڕێوەبەری کەناڵەکە بە 964ـی وت، “ئۆتۆمبێلێکی جۆری تاکسی لەبەردەم بیناکەمان دەستی کردووە بە تەقە کردن و هەڵاتووە”.

دواتر ئاسایشی سلێمانی رایگەیاند، ئەو چەكدارانەی دەستگیر كردووە كە تەقەکەیان کردووە و لەئێستادا لە ژێر لێكۆڵینەوەدان.

سەنتەری میترۆ بۆ داکۆکیکردن لە مافی رۆژنامەنووسان لە راگەیەنراوێکدا ئیدانەی ئەو رووداوە دەکات و داوا لە دادگای سلێمانیش دەكات، پرۆسەی دادگایكردنی هێرشبەران كراوە بێت.

دەقی راگەیەنراوەکەی سەنتەری میترۆ لە خوارەوە؛

سەركۆنەی هێرشكردنە سەر ئێن ئارتی دەكەین

سلێمانی، 14ی نیسانی 2026: سەنتەری میترۆ ئیدانەی ئەو هێرشە چەكدارییەی شەوی رابڕدوو بۆ سەر كەناڵ ئێن ئارتی دەكات و داوا لە داگای سلێمانیش دەكات، پرۆسەی دادگایكردنی هێرشبەران كراوە بێت.

شەوی رابردوو، كەناڵی ئێن ئارتی رایگەیاند: چەند چەكدارێك تەقەیان لە نووسینگەی سەرەكیی دامەزراوەی میدیایی ئێن ئاڕ تی لە شاری سلێمانی كرد و تا ئێستاش هۆكارەكەی نازانرێت.

پاش رووداوەکە، ئاسایشی سلێمانی رایگەیاند، كە ئەو چەكدارانەی دەستگیر كردووە كە شەوی رابردوو تەقەیان لە نووسینگەی سەرەكی ئێن ئاڕ تی لە سلێمانی كردبوو، و ئێستا لە ژێر لێكۆڵینەوەدان.

سەنتەری میترۆ ئیدانەی ئەو هێرشە چەكدارییەی شەوی رابڕدوو بۆ سەر كەناڵ ئێن ئارتی دەكات، و داوا لە دادگای سلێمانیش دەكات، پرۆسەی دادگایكردنی هێرشبەران كراوە بێت.

لە 4ی نیساندا، دوو مانگ تێپەڕ بوو بەسەر بڕیاری داخستنی نوسینگەكانی ئێن ئاڕ تی لە هەولێر و دهۆك.

سەنتەری میترۆ لە بەیاننامەیەكیدا رایگەیاند، کە بڕیاری داخستنی نوسینگەكانی ئێن ئاڕ تی پێچەوانەی یاسای رۆژنامەگەرییە، داوای لە حكومەتی هەرێمی كوردستان و دەسەڵاتی دادوەری كرد، بە بڕیاری داخستنی نوسینگەكانی كەناڵەكەدا بچنەوە و رێگە بدرێت كەناڵەكە كاری میدیایی خۆی بكات و نوسینگەكانی بەكاربهێنێت.

ساڵانی رابردوو، كەناڵی ئێن ئاڕتی لە هەولێر و سلێمانی داخرا، سوتێنرا، میدیاكارانی دەستگیر دەكرێن، كەلوپەلی رۆژنامەوانیان زەوتدەكران، فشاری یاسایی و دەروونی، گواستنەوەی میدیاكارانی بۆ كەناڵەكانی تر، هێرشی ئەلیكترۆنی بۆ سەر پلاتفۆرمەكانی لە سۆشیال میدیا، كەناڵەكە بەردەوام میدیاكاری نوێ دێنێتە ناو دیمەنی میدیای بینراوی كوردستانی.

تەقەکردن لە ئێن ئاڕ تی بێ زیان بوو

تەقە لە نووسینگەی سەرەکی کەناڵی ئێن ئاڕ تی کرا