داوای جێبەجێکردنی رێکەوتنی نێوانیان دەکەن
پیشەوەرانی دهۆک هەراسانن بەدەست خراپی شەقامەکانی ناوچەی پیشەسازی
964+
زەید کۆچەر – دهۆک
پیشەوەرانی ناوچەی پیشەسازی دهۆک، گردبوونەوەو گلەییان هەیە و دەڵێن، ماوەی 11 مانگە داوای چاککردنی ئەو شەقامانە دەکەین.
بێوار محەمەد، نوێنەری پیشەوەران بۆ 964 وتی، کەسێک دەیەوێت ئۆتۆمبێل چاک بکاتەوە بەڵام بەهۆی خراپی شەقامەکان ئۆتۆمبێلەکەی خراپتر دەبێت.
ئەوەشی وت، لە ساڵی 2023-ەوە کاتێک ئەم شوێنەمان دانا هەر دووکانێک و بەپێی رووبەری دووکانی خۆی پارەمان داوە لە 400 هەزارەوە تاوەکو 800 هەزار، هەربۆ ئەوەی شەقامەکانمان بۆ چاک بکەن و تاوەکو ئێستا هیچ دیار نییە.
