200 هەزاریان لە جەژندا هاتوون
ئەمساڵ ملیۆنێک و 700 هەزار گەشتیار هاتوونەتە هەرێمی کوردستان
964+
پێشەوا محەمەد
حکومەتی هەرێمی کوردستان رایدەگەیەنێت، لە شەش رۆژی پشووی جەژنی رەمەزاندا 200 هەزار گەشتیار هاتوونەتە هەرێمی کوردستان.
بەپێی راگەیەندراوێکی حکومەتی هەرێم، کە ئەمڕۆ سێشەممە 23.4.2024 بڵاویکردووەتەوە، ئەمساڵ ملیۆنێک و 700 هەزار گەشتیار هاتوونەتە هەرێمی کوردستان.
دەستەی گەشتوگوزاری حکومەتی هەرێم پلانێکی هەشت ساڵەی هەیە و دەیەوێت ژمارەی ئەو گەشتیارانەی روو لە کوردستان دەکەن بگەیەنێتە 20 ملیۆن گەشتیار.
بەپێی ئاماری دەستەی گەشتوگوزاری هەرێم، ساڵی رابردوو حەوت ملیۆن و 279 هەزار و 913 گەشتیار سەردانی هەرێمی کوردستانیان کردووە.
هەر بەپێی پلانی دەستەکە، گەشە بە 15 جۆری گەشتیاری دەدرێت، کە لە ناویاندا گەشتوگوزاری زستانە بوونی هەیە.