وێنەی ئەو سەنتەرەی کە داخراوە. فۆتۆ: قایمقامیەتی زاخۆ
بەهۆی نەبوونی مۆڵەت
لە زاخۆ سەنتەرێکی چاندنی قژ داخرا
964+
ژووری هەواڵ
لیژنەی تەندروستی قایمقامیەتی زاخۆ ئەمڕۆ سەردانی بەشێک لە سەنتەرەکانی جوانکاریان کردووە لە قەزاکە و لە ئەنجامی پشکنینەکانیان سەنتەرێکی چاندنی قژیان دۆزیوەتەوە کە بەبێ مۆڵەتی یاسایی نەشتەرگەری ئەنجامداوە.
ئەمڕۆ دووشەممە 15.4.2024، قایمقامیەتی زاخۆ رایگەیاند، لیژنەی تەندروستی بڕیاریداوە بە داخستنی سەنتەرێکی چاندنی قس بەهۆی نەبوونی مۆڵەتی کار و رێگەپێدانی یاسایی.
964 زانیاری لە قایمقامیەتی زاخۆوە دەستکەوتووە کە لە ماوەی 10 رۆژی رابردوودا، لیژنەکانی قایمقامیەتی قەزاکە پێنج کلینکیان لەسەر فرۆشتنی دەرمانی بەسەرچوو و نەبوونی مۆڵەتی کارکردن داخستووە.
هەر لەو ماوەیەدا دوو دەرمانخانەش بە هەمان هۆکار سزادراون، قایمقامیەتی زخۆ وا دەڵێت.