هەڵبژاردەی عێراق. فۆتۆ: فیدراسیۆنی عێراق
سوپرایزیان هەیە
هه‌ڵبژارده‌ی عێراق بۆ یاریی سبه‌ی كێشه‌ی هه‌یه
964+
ئه‌رسه‌لان عه‌بدوڵا
هه‌ڵبژارده‌ی عێراق خۆی ئاماده‌كردووه بۆ تۆماركردنی چواره‌م بردنه‌وه له پاڵاوتنه‌كانی مۆندیالی 2026، كاتێك سبه‌ی سێشه‌ممه كاتژمێر 2ی دوای نیوه‌ڕۆ له مانێلا رووبه‌ڕووی هه‌ڵبژارده‌ی فلیپین ده‌بێته‌وه.
هه‌ردوو هه‌ڵبژارده پێنجشه‌ممه‌ی رابردوو له به‌سڕه رووبه‌ڕوو بوونه‌وه و عێراق به گۆڵێك بردییه‌وه.
یاریی سبه‌ی بۆ عێراق ئاسان نییه و راهێنه‌ری فلیپین رایگه‌یاندووه، سوپرایز بۆ عێراق ده‌كه‌ن، ئه‌مه جگه له‌وه‌ی یارییه‌كه له یاریگه‌یه‌ك ده‌كرێت چیمه‌نه‌كه‌ی ده‌ستكرده.
یاریزانانی عێراق ناڕازین له یاریگه‌كه و هه‌روه‌ها له ماوه‌ی نێوان هه‌ردوو یاری، چونكه پشوویان نه‌بووه.
عێراق هه‌رسێ یاریی رابردووی بردووه‌ته‌وه و یه‌كه‌می كۆمه‌ڵه‌ی شه‌شه‌مه به 9 خاڵ.