دیمهنێكی سهردانى لیژنهكان بۆ دارستانه دهستكردنهكهى هه‌ڵه‌بجه... وێنه: فهرمكانگهى ژینگه‌ى هه‌ڵه‌بجه
داره‌كان سنه‌وبه‌رن
ژینگه‌ى هه‌ڵه‌بجه له بڕینى چه‌ند دارێكى بەته‌مه‌ن ده‌پێچێته‌وه
964+
فه‌رهاد حه‌سه‌ن
فه‌رمانگه‌ى ژینگه‌ى هه‌ڵه‌بجه، له بڕینى چه‌ند دارێكی به‌ته‌مه‌ن هاته‌ده‌نگ و ده‌ڵێت، رێكارى یاسایی له به‌رامبه‌ر بكه‌رانى گیراوەته به‌ر.
داره‌كان سنه‌وبه‌رن و ئه‌و دارستانه‌ش لێی بڕاوه، دارستانى ده‌ستکردی باوه‌كۆچه‌كیانه له هه‌ڵه‌بجه.
سه‌رهه‌نگ عه‌بدولڕه‌حمان، به‌ڕێوه‌به‌رى فه‌رمانگه‌ى ژینگه‌ى هه‌ڵه‌بجه به 964ـى وت، دواى ئاگاداركردنه‌وه‌یان به بڕینى ئه‌م دارانه له‌گه‌ڵ لیژنەی سەرپێچیە ژینگەییەکان و پۆلیسی دارستان سەردانی دارستانه‌كه‌یان کردووه.
وتیشی “ئه‌و دارانه‌ى تازه بڕاون ژماره‌یان چوار داره، به‌ڵام دارى گه‌وره و به‌ته‌مه‌نن”.
ئاماژه‌ى به‌وه‌ش كرد، پێشتر چه‌ند دارێكی وشكبوو له‌و دارستانه بڕابوون، به‌ڵام بڕینیان به ره‌زامه‌ندى به‌ڕێوه‌بەرایه‌تیى دارستان و پاوان بووه.
باسی له‌وه كرد، تا ئێستا هیچ كه‌سێك له‌سه‌ر بڕینى ئه‌م دارانه ده‌ستگیرنه‌كراوه، به‌ڵام له رێگه‌ى كامێرای چاودێرییه‌وه كه له نزیك دارستانه‌كه هه‌ن چاودێری و به‌دواداچوون ده‌كرێت.
وتیشی “له‌رووى یاساییه‌وه رێكارى پێویستمان گرتووه‌ته به‌ر”.