بایکۆتى کارمەندانى هاتووچۆى سلێمانى وێنە: 964+
بۆ دووەم رۆژى لەسەریەک
چەند فەرمانگەیەکى سلێمانى درێژەیان بە بایکۆت دا
964+
دیلان محەمەد جەزا – سلێمانى
بۆ دووەم رۆژى لەسەریەک، بەشێک لە فەرمانگەکانى سلێمانى بایکۆتى دەوامیان راگەیاند و کارمەندانى هاتوچۆش دەڵێن، تا مووچە وەرنەگرن نایەنەوە بۆ دەوام.
سەرچاوەیەک لە هاتوچۆى سلێمانى بە 964ـى وت،”بەیانى ئەمڕۆ دووشەممە، کارمەندان چوونەتە دەوام و کۆبوونەوەیەکیان ئەنجامداوە و ئێستاش بەرەو ماڵ دەگەڕێینەوە و بایکۆتى دەوام دەکەین”.
جەختیشى کردەوە، تا موچە وەرنەگرن دەوام ناکەن و ناگەڕێنەوە، بۆیە داوا لە هاوڵاتیان دەکەن سەردانى هاتوچۆى سلێمانى نەکەن.
لەلایەکى دیکەوە، فەرمانبەرانى دادنووس و کارەبا و ئاوى سلێمانى بۆ دووەم رۆژى لەسەریەک بایکۆتیان راگەیاندووە.
داڕشتنەوە: وریا فەتاح