سەردانی لیژنەی کۆچ و کۆچبەرانی عێراق بۆ ماڵی بەتەمەنترین ژنی عێراق لە شنگال.وێنە.وەزارەتی کۆچ و کۆچبەرانی عێراق
تەمەنی 137 ساڵە
بەتەمەنترین ژنی عێراق گەڕایەوە شنگال
توانا نەقی
بەتەمەنترین ژنی عێراق کە تەمەنی 137 ساڵە و هاوڵاتییەکی ئێزیدییە لە کەمپەوە گەڕاوەتەوە شەنگال و لەلایەن وەزارەتی کۆچ و کۆچەبەرانی عێراقەوە هاوکاری کرا.
وەزارەتی کۆچ و کۆچبەرانی عێراق بڵاویکردەوە، لیژنەیەکی وەزارەتەکە سەردانی ماڵی ئەو ژنەیان کردووە و بڕی چوار ملیۆن دینار و ئەساسی ناوماڵەیان پێشکەش کردووە.
ئەوەش هاتووە، ژنەکە ناوی روشی قاسم ئێزیدییە و بەم دواییە گەڕاوەتەوە شنگال و بە بەتەمەنترین کەسی عێراق دانراوە.
بە بڕیاری وەزارەتی کۆچ و کۆچبەرانی عێراق هەر خێزانێکی ئاوارەی شنگال کە لە کەمپەکانەوە گەڕاونەتەوە شنگال هاوکاری دەکرێن بە بڕی چوار ملیۆن دینار.