لە دهۆک باران دەبارێت

وریا فەتاح

ئەمڕۆ سێشەممە، لە سنورى پارێزگاى دهۆک نمەباران دەستپێدەکاتەوە و لە ناوچە شاخاوییەکانیش بەفر دەبارێت.

بەپێى پێشبینییەکانى کەشناسى، ئەمڕۆ سێشەممە، ئاسمان نیمچە هەور دەبێت لە هەندێ کات و لە هەندێ ناوچەش بۆ هەوری تەواو دەگۆرێت، پێشبینیش دەکرێت باران لە سنووری پارێزگای دهۆک بە شێوەی نمە بارانی کەم لە کاتەکانی شەودا دەستپێبکات.

هەر بەپێى پێشبینییەکان، لە ناوچە شاخاوییەکان سنورییەکان و بەرزەکان، بەفر دەبارێت و پلەکانى گەرماش 2 بۆ 3 پلەى سیلیزى، بەرز دەبێتەوە.

لەبارەى رەوشى کەشوهەواى سبەینێشەوە، پێشبینیکراوە، هەر وەک ئەمڕۆ ئاسمان لە هەندێ کات و شوێن هەور و نیمچە هەوربێت و لە ناوچا شاخاوییە سنورییە بەرزەکانیش، بەفر ببارێت.

لە بارەى بارانیشەوە، لە کاتەکانى دوا نیوەڕۆدا لە پارێزگاى دهۆک نمە باران دەبارێت.

بەرزترین پلەکانی گەرمای پێشبینیکراو بە پلەی سیلیزی :

هەولێر: 14

سلێمانی: 13

دهۆک: 10

کەرکوک: 16

هەڵەبجە: 14

زاخۆ: 9

سۆران : 9

حاجی ئۆمەران : 2

گەرمیان : 17