دیمهنێكی پلاستیك و نایلۆنى فڕێدراو كه ڕێكخراوی ئاینده بۆ پاراستنی ژینگه، بڵاویكردووهتهوه
قوماش و بهڵگهنامه دوو لهو شتانهن
ئهو شتانه چین كه نابێت لهناو سندوقى پلاستیكیدا ههڵبگیرێن
964+
فهرهاد حهسهن
سهرۆكى رێكخراوێكی ژینگهیی له ههرێمی كوردستان، ئهو شتانه ئاشكرا دهكات كه نابێت لهناو سندوقى پلاستیكیدا ههڵبگیرێن، كه لهناویاندا قوماش و بهڵگهنامه دوو لهو شتانهن.
مهعروف مهجید، سەرۆکی رێکخراوی ئایندە بۆ پاراستنی ژینگە له نووسینێكدا كه بۆ 964ـى ناردووه، دهڵێت، ئەگەرچی دەفری پلاستیکی گونجاوە و دەستکەوتنی ئاسانە، بەڵام هەندێک بابەت هەیە کە نابێت بۆ ماوەیەکی زۆر لەناویدا هەڵبگیرێت، چونکە مەیلی راگرتنی شێ و هەڵمژینی بۆنەکانی هەیە.
قوماشی ناسک و ئاوریشم و خوری، ههڵگرتنیان لهناو سندوقی پلاستیکى زیانیان پێدەگات و بۆنی ناخۆش هەڵدەگرن.
باس له جلوبەرگ و پێڵاو و جانتای دەستی و پشتێن و قایشیش دهكات، دهڵێت، ئەگەر لەناو کیسی نایلۆندا هەڵبگیرێت ئەوا بههۆى ئهو شێیهى لهناویدا دروست دهبێت، درز لە چەرمەکەدا دروست دهبێت.
بەڵگەنامە و وێنەی گرنگیش لهو شتانهن كه بههۆى دروستبوونى شێوه دهشێوێنێ و تێكدهچن.
سهرۆكى ئهم رێكخراوه، پێیباشه لهجیاتى پلاستیك و نایلۆن، خواردن و خۆراک لە ناو شوشەدا هەڵبگیرێت، چونکە دهڵێت “شووشە، خۆراک بۆ ماوەیەکی زۆر دەپارێزێت، لە کاتێکدا پلاستیک ئامادەیە بۆ گرتنی بۆنی خۆراک و دزەکردنی ماددە کیمیاییەکان بۆ ناو خۆراکەکە”.
خواردنی ئاژەڵیش بهتایبهتیش بۆ سهگ و پشیله كه مادهى زهیتى تێدایه، لەکاتی دانانی لەناو سەبەتەی پلاستیکیدا بۆ ماوەیەکی درێژ تێکدهچێت.
بهقسهى سهرۆكى ئهم رێكخراوه، ئامێره ئەلیکترۆنییهكانیش لهو شتانهن كه نابێت لهناو ماده پلاستیك و نایلۆندا ههڵبگیرێن، چونكه دهڵێت، شێداری ئامێرە ئەلیکترۆنیەکان سووردەکاتەوە و بێسوودیان دەکات.
