هۆکار چییە؟
جەژن نزیک بوەتەوە؛ نرخى گۆشت روو لە بەرزییە
964+
دیلان محەمەد- سلێمانى
هەفتەى داهاتوو جەژنى قوربانە، بەڵام بەرزبوونەوەى نرخى گۆشتى سور و گۆشتى مریشک. خەریکە جەژنەکە لە نەداران تاڵ دەکات.
سیامەند رەشید کە گۆشتفرۆشێکى بازاڕى سلێمانییە بە 964ـى وت،”هۆکارەکەى جەژن نییە، هۆکارەکەى زۆرى خواست و کەمى بەرهەمە”.
ئەو پێى وایە، یەکێکى تر لە هۆکارەکان بەرزى باجى گومرگییە لەسەر گۆشت و کاڵاکان، ئەگەر باج دابەزێت کاریگەرى لەسەر نرخەکەى دەبێت.
بەوتەى ئەو فرۆشیارە ئێستا یەک کیلۆ گۆشتى سور لە نێوان 22 بۆ 25 هەزار دینارە و کیلۆیەک گۆشتى مریشکیش بەراورد بە هەفتەى رابردوو 600 دینارى چووەتەسەر.
پێداچوونەوە: وریا فەتاح