ئێستا خەڵکی چۆمان دەتوانن نەوت بە 31 هەزار دینار وەربگرن

964+

ژووری هەواڵ

قایمقامیەتی چۆمان داوا لە بریکارەکان خۆراک دەکات هاوڵاتیان ئاگادار بکەنەوە بەشە نەوتی دووەم هاتووە و دەتوانن داوای بکەن بێتە بەردەم ماڵیان یان بچن وەریبگرن.

ئەمڕۆ سێشەممە 9.1.2023، سوارە ئەکرەم، قایمقامی چۆمان بە 964ـی راگەیاند، ئەم بەشە نەوتە نوێیە بە هەماهەنگی لەگەڵ ئیدارەی سۆران و بەڕێوەبەرایەتی سووتەمەنی سۆران دابین کراوە و هەر خێزانێک 100 لیتری پێدەدرێت.

تەنیا هاوڵاتیانی ناحیەکانی سمیلان، گەڵالە، حاجی ئۆمەران و قەسرێ دەتوانن بچن نەوتەکە وەربگرن، بۆ هەر 100 لیترێکیش 31 هەزار دینار دیاریکراوە.

ئەو خێزانانەی کە دەیانەوێت نەوتەکە بچێتە پێش ماڵیان دەبێت، جگە لە 31 هەزار دینار، دوو هەزار دیناری زیادە بدەن بە تانکەر.

ساردترین ناحیه‌ى هه‌ رێم یه‌ك به‌رمیل نه‌وتى پێدراوه‌