عێراق و ئێران چەند رێککەوتنێکیان لە بارەی نەوت و غازەوە کرد. فۆتۆ: ئاژانسەکان
عێراق و ئێران له بارهی نهوت و غازهوه رێككهوتنێكیان كرد
964+
ئهرسهلان عهبدوڵا
ئەمڕۆ چوارشەممە، عێراق و ئێران لە رێگەی وەزارەتەكانی نەوتی خۆیانهوه رێککەوتن لەسەر پێکهێنانی لیژنەیەک بۆ پەرەپێدانی کێڵگە نەوتییە سنوورییە هاوبەشەکانی نێوان هەردوو وڵات و بهرههمهێنانی غاز.
وەزارەتی نەوتی عێراق لە بەیاننامەیەکدا رایگهیاند، رێککەوتنی نێوان وهزیری نهوتی ههردوولا كرا، بۆ پێکهێنانی لیژنەی تایبەتمەند بۆ بەرزکردنەوە و فراوانکردنی دەرفەتەکانی هاوکاری هاوبەش، لە ناویاندا لیژنەیەک بۆ پەرەپێدانی کێڵگە سنوورییە هاوبەشەکانی نێوان هەردوولا پێكهێنرا.
ههروهها باسی ئهوهش كرا، بە گوێرهی یاسا و نۆرمە نێودەوڵەتییهكان کە مافەکانی هەر لایەنێک گەرەنتی دەکەن، لیژنەیەک بۆ هاوکاری هاوبەش لە بواری وەبەرهێنان و کۆکردنەوەی غاز و پیشەسازییەکانی پترۆکیمیایی و وزەی نوێبووەوە پێكهێنرا.
وەزارەتەکە لە زاری حهیان عەبدولغەنی وهزیری نهوتی عێراقهوه بڵاویکردەوە، “لە کۆبوونەوەکەدا جەخت لەسەر قووڵایی پەیوەندییە مێژووییەکانی نێوان هەردوو وڵاتی دراوسێ کراوەتەوە، هەروەها رۆڵی کاریگەری عێراق و ئێران لە رێكخراوی ئۆپێک و لە بازاڕە جیهانییەکان دووپاتكرایهوه، بەو پێیەی لە پێشەنگی وڵاتانی بەرهەمهێنەری نەوت و غازدان”.
دوێنێ سێشەممە، حەیان عەبدولغەنی، جێگری سەرۆک وەزیران بۆ کاروباری وزە و وەزیری نەوت، بە سەردانێکی فەرمی گەیشتە ئێران و لەگەڵ ژمارەیەک لە بەرپرسانی حکومەت و وەزارەتی نەوتی ئێران کۆبووهتهوه و چهند رێككهوتنێكیش واژۆ كراوه.