قوتابخانەکانی دوکان نۆژەندەکرێنەوە

بەرزان عوسمان – دوکان

قوتابخانەکانی سنووری پەروەردەی دوکان ساڵانێکە زۆرە دروستکراون و کۆن بوون بۆئەوەی کەڵکی ئەوەیان هەبێت درێژە بە خوێندن بدرێت تێیاندا نۆژەندەکرێتەوە.

نۆژەنکردنەوەکان لە سەر بودجەی وەزارەتی پەروەردەی هەرێم و داهاتی فرۆشگاکانی پەروەردەی دوکانە.

مهاباد مستەفا بەڕێوەبەری پەروەردەی دوکان بە 964ـی وت، نۆژەنکردنەوەکە بە گوژمەی زیاتر لە 141 ملیۆن دینار ئەنجام دەدرێت و لەلایەن بەشی ئەندازیاری پەروەردەوە سەرپەرشتی دەکرێت و زۆربەی قوتابخانەکانیشیان پێویستیان بە نۆژەنکردنەوە هەیە.

وتیشی، نۆژەنکردنەوەکان بۆ 11 قوتابخانەیە و خۆی لە دروستکردنی پۆلی تازە و چیمەنتۆکردنی گۆڕەپانی قوتابخانە و چاکردنی ئاوو ئاوەڕۆ و دروستکردنەوەی دیوار دەبینێتەوە.

بەپێی ئامارێکی بەڕێوەبەرایەتی پەروەردەی دوکان زیاتر لە  118 بینای قوتابخانە و باخچەی ساوایان لە سنوورەکەیان بوونی هەیە.

پێداچوونەوە: توانا نەقی