پەروەردی شارەزوور چوکلێتی بۆ بردن؛ با بزانن هۆڵی نەشتەرگەریی نییە

ئەحمەد مستەفا

بەیانی ئەمرۆ یەکشەممە 14.6.2026، تاقیکردنەوەکانی 12 ئامادەیی دەستیپێکرد، پەروەردەی شارەزوور چوکلێتی داوە بە خوێندکارەکان و دەڵێ، وتوومانە با بەهۆڵی نەشتەرگەریی نەزانن.

هەزار و 36 خوێندکار لە بەشەکانی وێژەیی و زانستی لە سنوری قەزای شارەزوور بەشداری تاقیکردنەوەکانی قۆناغی 12 دەکەن.

وەک پەروەردەی شارەزوور لە راگەیەندراوێکدا باسی کردووە، کاتژمێر 7:00ـی ئەم بەیانییە و لە کاتی دابەشکردنی پرسیارەکان بەڕێوەبەری پەروەردە وەک سەرۆکی لیژنەی تاقیکردنەوەکان لە قەزای شارەزوور، جەختی لە هێمنی و کەشێکی ئارام بۆ خوێندکاران کردووەتەوە.

وەک نەریتی خۆی بۆ سەرجەم هۆڵەکان چوکلێتی دابینکردوە بۆ ئەوەی دابەش بکرێت بەسەر خوێندکاراندا و هۆڵەکانی تاقیکردنەوە بە هۆڵی نەشتەرگەری نەزانن و ئامۆژگاریان بکەن تا دەروونیان ئارام بێت.