205 ملیۆن دینار دەدرێت بە خوێندکارانی کوڕ و کچی شەهیدان

964+

هاوبەش ئەبوبەکر

لە سلێمانی، وەزارەتی کاروباری شەهیدان و ئەنفالکراوان، لەدوای شەش ساڵ کرێی خوێندن بۆ ژمارەیەک خوێندکار دابین دەکات کە کچ و کوڕی شەهیدن و لە ساڵانی 2016 – 2017 و 2017 – 2018 خوێندنیان تەوا کردووە.

ئەمڕۆ چوارشەممە 20.9.2023، حاکم عادل ساڵح، وتەبێژی وەزارەتی کاروباری شەهیدان و ئەنفالکراوان بە 964ـی راگەیاند، بڕی 205 ملیۆن دینار تەرخانکراوە و لە سلێمانی دەدرێت بە 79 خوێندکاری کچ و کوڕی شەهید.

وەزارەتی خوێندنی باڵا 21 ملیار دیناری بۆ خوێندکاران تەرخانکردووە

ئەو بڕە پارەیە کرێی خوێندنی ئەو خوێندکارانەیە کە لە زانکۆکانی قەڵەم و کتاب، لە پارێزگای کەرکوک خوێندویانە.

بە وتەی حاکم عادل ساڵح، لە ئێستادا دەستکراوە بە دابەشکردنی پارەکە و هەر خوێندکارێک نزیکەی دوو ملیۆن و 600 هەزار دینار وەردەگرن.