ئەنجومەنی باڵای دادوەری عێراق: رۆژانە 196 هاوسەر لێکجیادەبنەوە

964+

هاوبەش ئەبوبەکر

لە عێراق تەنیا لە ماوەی یەک مانگدا، نزیکەی شەش هەزار حاڵەتی جیابوونەوە تۆمارکراوە، کە رۆژانە دەکاتە 196 جیابوونەوە.

بە پێی ئامارێکی ئەنجومەنی باڵای دادوەری عێراق، لە مانگی حوزەیراندا، 25,687 گرێبەستی هاوسەرگیری و 5,880 حاڵەتی جیابوونەوە تۆمار کراوە.

ئامارەکانی ئەنجومەنی باڵای دادوەری عێراق، ئاماری دادگای کەرکووک و 15 پارێزگای عێراقی تێدایە.

سەبارەت بە ئاماری 2022، لە هەواڵێكی ئاژانسی فرانس پرێسدا هاتووە، ساڵی رابردوو 73 هەزار حاڵەتی جیابوونەوەی هاوسەران لە عێراق تۆمارکراوە.