لە سلێمانی کرێکارێک بەهۆی کەوتنەخوارەوەی لە باڵاخانەیەکەوە گیانی لەدەستدا

964+

پەری ساڵح

ئەمڕۆ پێنجشەممە، 10ی ئەیلولی 2026، کرێکارێک بەناوی (نازم مەزهەر فەرحان) دوای ئەوەی لە کاتی کارکردنی لە باڵاخانەیەک کەوتەخوارەوە، بەهۆی سەختی برینەکەیەوە گیانی لەدەستدا.

سەندیکاری یەکێتی کرێکاران بڵاویکردووەتەوە، رووداوەکە رۆژی چوارشەممە 9ی ئەیلولی 2026 لە یەکێک لە پێشبڕکێ و پڕۆژەکانی نیشتەجێبوون لە شاری سلێمانی روویداوە، لە نهۆمی 14ی باڵاخانەکەوە کەوتووەتە خوارەوە و دوای رەوانەکردنی بۆ نەخۆشخانە، ئەمڕۆ گیانی لەدەستدا.

📌کرێکارەکە تەقەمەنی و ناسنامەی بەم شێوەیەیە:

📌تەمەن: لەدایکبووی ساڵی 1994 (32 ساڵ).

📌رەگەز و ناوچە: عەرەب، خەڵکی ناوچەی مەخموور.

📌باروودۆخی خێزانی: خێزاندا و خاوەنی دوو منداڵ.

دوای بڵاوبوونەوەی هەواڵەکە، دەروون رزگار ڕەشید، سەرۆکی لقی سلێمانی یەکێتی سەندیکاکانی کرێکارانی کوردستان، لیژنەکانی سەندیکای راسپارد بۆ ئەنجامدانی بەدواداچوونی ورد سەرجەم لایەنەکانی رووداوەکە.

لە هەمان کاتدا، جەلیل حسین دەروێش، نوێنەری لقی سلێمانی یەکێتی سەندیکاکانی کرێکاران لە لیژنەی سەلامەتی کرێکاران و ئەندامی لیژنە هاوبەشەکانی قائمقامیەتی سلێمانی، گەیشتە شوێنی رووداوەکە بەمەبەستی لێکۆڵینەوە لە هۆکارەکان و پاراستنی مافی قانونی کرێکارەکە.