ئیڵۆن مەسک بە یەک رۆژ 20 ملیار دۆلاری لەدەستدا

+964
عادل کانەبی

دوای ئەوەی بەهای پشکەکانی کۆمپانیای ئۆتۆمبێلی کارەبایی “تێسلا” لە بۆرسە دابەزینی بەخۆیەوە بینی، بازرگان و ملیاردێری ئەمریکی ئیلۆن مەسک لە ماوەی یەک رۆژدا 20 ملیار دۆلاری لەدەستدا.

بەگوێرەی راپۆرتێکی گۆڤاری ئیکۆنۆمیک تایمز، پشکەکانی تێسلا بە رێژەی 9.7% دابەزین، دوای ئەوەی ئیڵۆن مەسک بەڕێوەبەری جێبەجێکاری تێسلا رایگەیاند، کە رەنگە کۆمپانیاکە نرخی ئۆتۆمبێلە کارەباییەکانی کەم بکاتەوە.

بەپێی داتاکانی بلومبێرگ، سامانی مەسک 20 ملیار دۆلار دابەزیوە و گەیشتووەتە 234 ملیار دۆلار و ئەم دابەزینەش حەوتەم گەورەترین دابەزینی سەروەت و سامانی مەسکە لە مێژوودا.

سەرەڕای دابەزینی سامانی ئیڵۆن مەسک، بەڵام پێگەی خۆی وەک دەوڵەمەندترین مرۆڤی سەر زەوی پاراستووە.