ئەمڕۆ پلەکانی گەرما بەرز دەبنەوە و ئەگەری تۆزوخۆڵ هەیە

ژێوار خدر

ئەمڕۆ هەینی کەشوهەوای ناوچەکە ساماڵ و پەڵە هەور دەبێت، لە کاتەکانی دوای نیوەڕۆشدا ئەگەری بەرزبوونەوەی تۆزوخۆڵ هەیە.

بەڕێوەبەرایەتی کەشناسی و بوومەلەرزەزانی سلێمانی دەڵێت، بەپێی پێشبینییەکان، ئەمڕۆ هەینی 18.9.2026 خێرایی با لە نێوان 10 بۆ 20 کیلۆمەتر لە کاتژمێرێکدا دەبێت و لە هەندێک کاتیشدا بۆ سەرووی 30 کیلۆمەتر چالاک دەبێت، پلەکانی گەرماش بەراورد بە تۆمارکراوەکانی دوێنێ کەمێک بەرزتر دەبن.

بۆ سبەی شەممە 19.9.2026، کەشوهەوا بەرەو ساماڵبوون دەچێت و تەنیا تۆزێکی کەم لە ئاسماندا دەمێنێتەوە. پلەکانی گەرما بەراورد بە ئەمڕۆ، نزیکەی 1 تا 3 پلە دادەبەزن و خێرایی با لە ئاستێکی ئاسایی و مامناوەنددا دەمێنێتەوە.

بەرزترین پلەکانی گەرمای پێشبینیکراوی ئەمڕۆ بە پلەی سیلیزی:

هەولێر: 39 پلەی سیلیزی

سلێمانی: 37 پلەی سیلیزی

دهۆک: 39 پلەی سیلیزی

هەڵەبجە: 39 پلەی سیلیزی

گەرمیان: 42 پلەی سیلیزی

زاخۆ: 40 پلەی سیلیزی

چەمچەماڵ: 39 پلەی سیلیزی

ئاکرێ: 39 پلەی سیلیزی

پیرمام: 35 پلەی سیلیزی

حاجی ئۆمەران: 30 پلەی سیلیزی