دوو بزنە کێوییان راوکردووە
ماوەت؛ بە 8 ملیۆن دینار سزای دوو راوچی درا
964+
ژێوار خدر
لە سنووری چیای ئاسۆسی قەزای ماوەت پۆلیسی دارستانی ناوچەکە دوو راوچی لەکاتی راوکردنی ئاژەڵی کێویی دا دەستگیر کران، کە دوو بزنە کێوییان راوکردبوو.
پۆلیسی دارستان و ژینگەی سلێمانی رایگەیاند، دوای دەستگیر کردنیان لەلایەن بەشی پۆلیسی دارستانی ماوەت پەڕاوی لێکۆڵینەوە بۆ راوچییەکان کراوەتەوە و رێکاری یاسایی گیراوەتە بەر بەرامبەریان.
دەشلێت، هەردوو تۆمەتبار دوای راگرتنیان و بەڕێوەچوونی پرۆسەی دادگا لەلایەن دادوەری لێکۆڵینەوە هەریەکەیان بە بڕی چوار ملیۆن دینار سزای دارایی دران و فەرمانەکە وەک خۆی جێبەجێ کرا .