بەهۆی شەڕە تەقەوە چوار کەس بریندار بوون
964+
کاروان ساڵحی – کەرکوک
بە هۆی کێشەی کۆمەڵایەتییەوە لە گەڕەکی کوردستانی کەرکوک چوار کەس بریندار بوون و سەرجەمیان رەوانەی نەخۆشخانە کراون.
ئەمڕۆ شەممە 15.7.2023 بە هۆی شەڕە تەقە لەنێوان دوو بنەماڵە چوار کەس بریندار بوون و دوو لە بریندارەکان باری تەندروستییان ناجێگیرە.
سەرچاوەیەک لە بنەکەی پۆلیسی عەرەفە بە 964ی وت، کەمێک پێش ئێستا لە گەڕەکی کوردستان شەڕە تەقە لەنێوان چەند کەسێک روویداوە و لەئەنجامی شەڕەکە چوار کەس کە برا و ئامۆزای یەکترن بریندار بوون.
وتیشی، دەستبەسەر ئەو چەکانەدا گیراوە کە تەقەیان پێ کردبوو ، بە پێ زانیاریە سەرەتاییەکان هۆکاری شەڕەکە بەهۆی کێشەی کۆمەڵایەتییەوە بووە و بریندارەکانیش سەرجەمیان رەوانەی نەخۆشخانەی گشتی کەرکوک کراون.
پێداچوونەوە: توانا نەقی